Kuvaus
Eanni, eannážan lea Beaivi, áhčážan girji (1988) bealálaš. Eanni, eannážan girjjis Áillohaš salasta olles máilmmi ja doalvu min maiddái eará guovlluide ja álbmogiid lusa maid ”eanan, eanni eannážan, vuohttu, vuhtoda salastis”. Girjjis leat divttat, ivdne- ja čáhppes-vilges govat ja molemat. Visot dát dáidda biddjon oktii duođašta Áillohačča earenoamáš bargovuogi ja addá viidát ollisvuođa mas eatnamat, šattut, eallit ja olbmot čudjet oktii. Áillohačča iežas govaid ja molemiid lassin, son luoikkahii govaid vuorkkáin ja eará govvejeddjiin.
